სიახლეები

04/09/2017

ავტომობილების ალტერნატიულ საწვავზე გადაწყობის ტენდენციას ხელს უწყობს გამონაბოლქვი აირების მიმართ ეკოლოგიური მოთხოვნების გამკაცრება, 
ვინაიდან ბუნებრივი აირის წვის პროდუქტები, ბენზინისა და დიზელის ძრავებთან შედარებით არ შეიცავს ტყვიას, თითქმის 100% კლებულობს გამონაბოლქვში 
გოგირდისა და ბენზოილის შემცველობა.


ბენზინისა და დიზელის საწვავთან შედარებით, ბუნებრივი აირი საავტომობილო სათბობად გამოყენების ეკონომიური და ეკოლოგიური ასპექტები თვალსაჩინოა.      
ბუნებრივი აირი სრულად აკმაყოფილებს გამონაბოლქვში მავნე ნივთიერებების შემცველობის მარეგულირებელ სტანდარტებს. გამონაბოლქვი აირებით გარემოს დაბინძურება უარყოფითად მოქმედებს მოქალაქეების ჯანმრთელობასა და მათი ცხოვრების ხარისხზე, ასევე იწვევს ქალაქის ბუნებრივი ლანდშაფტის დეგრადაციას.
ამ დროისათვის მსოფლიოს თითქმის ყველა წამყვანი ავტოკონცერნი, მაგალითად: Volkswagen, Opel, Ford, Audi, Mercedes Benz, Toyota მეთანზე ქარხნულად მომუშავე ავტომანქანებს აწარმოებს. 2001 წელს გაეროს ენერგეტიკის კომისიამ მიიღო რეზოლუცია, რომელიც ითვალისწინებს 2020 წლისთვის ევროპის ქვეყნების ავტომობილთა საერთო რიცხვის 10%-ის (23.5მლნ ერთეული) ბუნებრივ აირზე გადაყვანას. 
ბუნებრივ აირს საწვავის სახით ჰიბრიდულ ავტომობილებშიც იყენებენ, რაც კიდევ უფრო მოსახერხებელს ხდის საზოგადოებრივი დანიშნულების ტრანსპორტად ელექტრომობილების გამოყენებას.